11 нче магистраль тепловодта «Татэнерго» АҖ инвестиция программасын үтәү барышы турында

2023 елның 7 июле, җомга

Инвестицион программа чаралары үтәлешен, акчаларны максатчан куллануны, шулай ук сроклар үтәлешен контрольдә тоту максатында ТР Тарифлар буенча дәүләт комитетының инвестиция программалары бүлеге хезмәткәрләре «Татэнерго» АҖ филиалы  Казан җылылык челтәрләре объектларына чыктылар. Түбәндәге участоклар каралды:

1. Гагарин һәм Васильченко урамнары киселеше. Инвестиция программасы буенча 11 нче магистраль тепловодта 5 нче насос станциясен төзү планлаштырыла. Хәзерге вакытта булган тепловодны демонтажлау эшләре башкарылган, яңа трассировка өчен туфрак эшкәртелгән, канал нигезен бетонлаштыру буенча эшләр алып барыла. Генераль подрядчы: «Энергопрогресс» ҖЧҖ.
2. М.Вахитов урамы буенча 11 нче магистраль тепловодның бер өлешен реконструкцияләү планлаштырыла. Бүгенге көндә 11-30 җылылык камерасыннан 1 җылылык узелына кадәр иске челтәрне яңасына күчерү буенча эшләр алып барыла. Эшләрне башкаручы подряд оешмасы: «Энергетика сервис компаниясе» ҖЧҖ.

Искәртеп узабыз, узган ел «Татэнерго» АҖнең 2020-2023 елларга инвестиция программасына төзәтмәләр кертелгән иде.

Фоторепортаж