Эшче тариф комиссиясе җылылык белән тәэмин итү өлкәсендә көйләнә торган оешмаларның тәкъдимнәрен өйрәнә

2023 елның 7 июле, җомга

Эшче тариф комиссиясенең беренче утырышы булды, анда 2024 елга «Бөгелмә җылылык челтәрләре предприятиесе» АҖ, «Әлмәт җылылык челтәрләре» АҖ, «Азнакай җылылык челтәрләре предприятиесе» АҖ һәм «РСК «Инженерлык технологияләре» ҖЧҖ өчен җылылык белән тәэмин итү өлкәсендә беренчел тарифларны исәпләү буенча фикер алыштылар. 

Тариф проектлары оешмалар тарафыннан бирелгән тариф гаризалары һәм раслаучы документлар экспертизасы нәтиҗәләре буенча әзерләнгән.

Предприятиеләр билгеләнгән срокларда Дәүләт комитетына искәрмәләр һәм тәкъдимнәр җибәрәчәк, алар ведомство белгечләре тарафыннан өстәмә рәвештә каралачак. 

Тарифлар буенча дәүләт комитеты тарафыннан 78 оешма җайга салына, белгечләр эшендә 2024 елга 108 гариза бар.