«Водоканал» МУП объектларында инвестиция программалары үтәлешен контрольдә тоту

2023 елның 3 июле, дүшәмбе

Инвестицион программалар үтәлешен тикшереп тору барышында ТР Тарифлар буенча дәүләт комитеты хезмәткәрләре «Водоканал» МУП объектларында булдылар.

Түбәндәге объектлар каралды:

1. Чистай урамы буенча Меридиан урамыннан Бондаренко урамына кадәр 3 нче Төньяк коллектор участогын реконструкцияләү. Бүгенге көндә 585 метр реконструкцияләнгән. Объектның әзерлеге – 90%. Объектны тапшыру вакыты: 2023 елның июль ахыры.
2. Ф.Әмирхан урамы буенча Ямашев проспекты, 69 йорттан Чистай урамы, 62 йортка кадәр 3 нче Төньяк коллектор участогын реконструкцияләү. Электр кабелен чыгару, территорияне төзекләндерү, коллекторны юып чыгару буенча эшләр башкарылган. Хәзерге вакытта җир өстендәге җәяүлеләр кичүе астында җир эшләре бара. Объектны тапшыру вакыты: 2023 елның 30 августы.
3. Толстой урамы буенча Зур Кызыл урамыннан Подлужная урамына кадәр суүткәргеч участогын реконструкцияләү. Хәзерге вакытта 450 метр полиэтилен торба салынган, бетон боҗралардан коелар әзерләү һәм монтажлау үткәрелә. Аннары әзер коеларда янгын гидрантлары урнаштырылачак һәм кулланучылар йортларына алып баручы торба үткәргечләр тоташтырылачак. Объектны тапшыру вакыты: 2023 елның 30 августы.

Дәүләт комитеты инвестиция программалары чараларын үтәү өчен акчаларның максатчан тотылуын контрольдә тота. Шулай итеп, су белән тәэмин итү һәм ташландык суларны агызу челтәрләрендәге барлык эшләр тәмамланганнан соң, авария хәлләре кимиячәк, димәк, Казан халкына «су белән тәэмин итү» һәм «ташландык суларны агызу» коммуналь хезмәтләре сыйфатлырак күрсәтеләчәк.

Фоторепортаж