ТР Тарифлар буенча дәүләт комитетында баланс комиссиясенең өч утырышы узды
Бу атнада Татарстан Республикасы Тарифлар буенча дәүләт комитетында су белән тәэмин итү, ташландык суларны агызу, җылылык белән тәэмин итү, каты коммуналь калдыклар белән эш итү өлкәләрендә хезмәт күрсәтүче җайга салынулы оешмаларның 2022 елгы эш нәтиҗәләре буенча финанс-хуҗалык эшчәнлеге турында баланс комиссиясенең өч утырышы узды.
«Таткоммуэнерго» РПО АҖ, «А.Н. Туполев исемендәге Казан дәүләт техник университеты» ЮБ ФДБМУ, «Казан (Идел буе) федераль университеты» ЮБ ФДБМУ, «Н.Э.Бауман исемендәге Казан дәүләт ветеринария медицинасы академиясе» ЮҺБ ФДБМУ, «Казан дәүләт казна дары заводы» ФКП, «Теплоснабсервис» ҖЧҖ, «Казжилстройсервис» ҖЧҖ һәм «Казан төзелеш-сервис компаниясе» ҖЧҖ предприятиеләренең эшчәнлек нәтиҗәләре каралды.
Шулай ук «Татарстан Республикасы Нурлат муниципаль районы торак-коммуналь хуҗалык идарәче компаниясе» МУП, «Алексеевск коммуналь челтәрләре» ҖЧҖ, Әлки районының «Инженерлык челтәрләре» ҖЧҖ, Балтач районының «Идарә» ҖЧҖ, Куйбышев җылылык-су белән тәэмин итү дирекциясенең Ульяновск территориаль участогы – Җылылык-су белән тәэмин итү буенча үзәк дирекция бүлекчәсе – «РЖД» ААҖ филиалы (Бөгелмә МР, Тукай МР), Яңа Чишмә районының ШЭ «Зарипов Н.Г.» һәм Питрәч районының «ЭКО» РТО» ҖЧҖ 2022 ел өчен финанс-хуҗалык эшчәнлеге нәтиҗәләре каралды.
«Татарстан Республикасы сатып алуларны үстерү үзәге» АҖ күп кенә оешмаларда тәмамланган сатып алулар актив статуста күрсәтелә дип билгеләп үтте. Оешма вәкилләре сатып алу эшчәнлеген алып бару буенча тәкъдимнәр бирделәр һәм җаваплы хезмәткәр дә, юридик зат та җаваплы булган сатып алуларны ябу срокларын бозу нәтиҗәләре турында искә төшерделәр.
ТР Тарифлар буенча дәүләт комитеты вәкилләре коммуналь инфраструктура объектларына хокук билгеләүче документлар булуы, шулай ук муниципаль милекне тапшырганда концессия килешүе төзү зарурлыгы турында кабат билгеләп үттеләр. Моннан тыш, тәкъдим ителгән документларны караганда баланс комиссиясе утырышы өчен документларда мәгълүматларның дөрес тутырылмавы яки тулы булмаган мәгълүматлар булуы күзәтелә, ә кайбер оешмаларга финанс-хуҗалык эшчәнлеге нәтиҗәләре турында билгеләнгән формаларны тутыруны яңадан карап чыгарга киңәш ителә. Игътибар итегез, инвестиция программаларын үтәү һәм алга таба эшләүдә үсеш булуы билгеләнә.