«Торак һәм шәһәр мохите» илкүләм проекты кысаларында су белән тәэмин итү һәм ташландык суларны агызу буенча яңа челтәрләр төзеләчәк

«Торак һәм шәһәр мохите» илкүләм проекты кысаларында Буада Иске ипподром районында булачак микрорайон өчен инженерлык челтәрләрен салу дәвам итә, анда мәктәп һәм балалар бакчасы белән күпфатирлы тораклар барлыкка киләчәк. Проект зур социаль әһәмияткә ия. Хәзер суүткәргеч һәм канализация җәелдерелә. Киләсе елда юл төзү мәсьәләсен карау планлаштырыла.

«Торак һәм шәһәр мохите» проекты шәһәр мохитенең уңайлылыгын арттыруга юнәлдерелгән һәм үз шәһәрләрен төзекләндерү мәсьәләләрен хәл итүдә гражданнарны актив җәлеп итүне күздә тота.

Бүгенге көндә Буа муниципаль районы буенча су белән тәэмин итү өлкәсендә ресурслар белән тәэмин итүче оешмалар булып «Буа-Су каналы» АҖ, «Кыят ТКХ КҖП» ААҖ һәм «Родник» ҖЧҖ (Рунга авыл җирлеге кулланучылары өчен) тора, агынты суларны чистарту һәм су чыгару буенча хезмәтләрне «Буа-Су каналы» АҖ күрсәтә. Әлеге предприятиеләр өчен тарифларны Татарстан Республикасының Тарифлар буенча дәүләт комитеты билгели. Тарифлар белән биредә танышырга мөмкин