Казан шәһәре оешмаларының финанс-хуҗалык эшчәнлеге нәтиҗәләре турында
Татарстан Республикасы Тарифлар буенча дәүләт комитетында 2022 елгы эш нәтиҗәләре буенча су белән тәэмин итү, ташландык суларны агызу, җылылык белән тәэмин итү, ККК белән эш итү өлкәләрендә хезмәт күрсәтүче җайга салынулы оешмаларның финанс-хуҗалык эшчәнлеге нәтиҗәләре буенча баланс комиссиясе утырышлары дәвам итә.
Атнаның беренче утырышында Казан шәһәре предприятиеләренең эшчәнлеге нәтиҗәләре каралды: «СК-16» ҖЧҖ, «Казан сөт комбинаты» ҖЧҖ, «Җылылык энергиясе белән тәэмин итү» ҖЧҖ, «Казаноргсинтез» ААҖ һәм «Казан милли тикшеренү технология университеты» югары белем бирү федераль дәүләт бюджет учреждениесе.
Баланс комиссиясе утырышында шулай ук салкын су ташуга һәм агынты суларны ташуга тарифлар билгеләү турында тәкъдим биргәндә оешмаларга Россия Федерациясенең 23.11.2021 ел, № 2009 карары белән билгеләнгән критерийларга туры килүен раслаучы нигезләүче документлар тапшырырга кирәклеген дә билгеләп үттеләр. Җылылык белән тәэмин итү өлкәсендә җайга салынулы оешмалар өчен җылылык белән тәэмин итү челтәрләрен эксплуатацияләү чыгымнарын исәпкә алу өчен хокук билгеләүче документлар булу кирәклеген искәрттеләр.