Дәүләт комитеты хезмәткәрләренең явым-төшем һәм биологик чистарту корылмалары объектларына чыгуы

2023 елның 3 мае, чәршәмбе

ТР Тарифлар буенча дәүләт комитеты рәисенең беренче урынбасары Лариса Хәбибуллина һәм су белән тәэмин итү һәм ташландык суларны агызу өлкәсендә тарифларны җайга салу һәм контроль бүлеге, контроль-ревизия бүлеге хезмәткәрләре «Унистрой» төзүчесенең торак комплексларындагы явым-төшем һәм биологик чистарту корылмаларына чыктылар.

«Art City», «Лето» һәм «Атмосфера» торак комплексларында яңгыр чистарту корылмалары каралды, шулай ук Питрәч муниципаль районының «Царево Village» торак комплексында Россия Федерациясенең «Гражданнарны арзан һәм уңайлы торак һәм коммуналь хезмәтләр белән тәэмин итү» дәүләт программасы кысаларында реконструкцияләнә торган биологик чистарту корылмаларына чыгу гамәлгә ашырылды.

Фоторепортаж