Дәүләт комитеты хезмәткәрләре «Хәтер бакчасы» халыкара акциясендә катнаштылар
Татарстан Республикасы Тарифлар буенча дәүләт комитеты хезмәткәрләре «Хәтер бакчасы» халыкара акциясендә катнаштылар. Татарстан Республикасы Биектау районы урманчылыгына барылды. Сәфәр барышында хезмәткәрләр чыршы агачларын утырттылар.
Белешмә өчен:
Халыкара «Хәтер бакчасы» акциясе «Хәтер бакчасы» АКО, «Җиңү волонтерлары» Бөтенроссия иҗтимагый хәрәкәте һәм «Җиңү полководецлары» хәтер фонды инициативасы белән үткәрелә.
Масштаблы экологик-патриотик акциянең төп максаты – Бөек Ватан сугышы елларында һәлак булган һәр кеше истәлегенә 27 млн агач утырту. Акция символикасы – геройлар хөрмәтенә яшел һәйкәлләр булдыру – шулай ук урман фондын саклау һәм торгызу бурычларын да хәл итә һәм акциядә катнашучыларга үзләренең углерод эзләрен киметергә мөмкинлек бирә.