ТР Тарифлар буенча дәүләт комитетында баланс комиссиясе утырышлары дәвам итә
Татарстан Республикасы Тарифлар буенча дәүләт комитетында 2022 елгы эш нәтиҗәләре буенча су белән тәэмин итү, ташландык суларны агызу, җылылык белән тәэмин итү, ККК белән эш итү, электр энергиясе белән тәэмин итү өлкәләрендә хезмәт күрсәтүче җайга салынулы оешмаларның финанс-хуҗалык эшчәнлеге нәтиҗәләре буенча баланс комиссиясенең ике утырышы узды.
Утырыш кысаларында Яңа Чишмә, Балык Бистәсе, Сарман районнары һәм Казан шәһәре предприятиеләренең эшчәнлек нәтиҗәләре каралды: «Яңа Чишмә торак-коммуналь хуҗалыгы» МУП, «Теплоэнергосервис» МУП, «Светводканал» ҖЧҖ, «Җәлил торак-коммуналь хуҗалыгы» ААҖ, «Казан энергетика компаниясе» ҖЧҖ, «СК-16» ҖЧҖ, «Энерго» ҖЧҖ.
Компанияләр 2022 ел өчен үзләренең эшчәнлеге, шул исәптән хокук билгеләүче документлар, дебиторлык һәм кредиторлык бурычлары, шулай ук салымнар һәм җыемнар буенча бурычлары турында хәбәр иттеләр. Карау барышында күтәрелгән мәсьәләләрнең берсе – тарифларны билгеләү турында гариза бирү, шулай ук оешмаларның 2024 елга территориаль челтәр оешмаларына карау критерийларына туры килүен раслау зарурлыгы.
Хисап документларына үткәрелгән анализ җайга салучы орган тарафыннан 2024 елга тарифларны билгеләгәндә исәпкә алыначак.
Баланс комиссиясе утырышлары графигы белән биредә танышырга мөмкин.