Электрон рәвештә дәүләт һәм муниципаль хезмәтләр алуның өстенлекләре
Дәүләт хезмәтләрен электрон рәвештә алуның өстенлекләре – вакыт чыгымнарын киметү, дәүләт органнары карамагында булган документларны бирү зарурлыгыннан аза ителү, уңайлы вакытта Интернет челтәре аша теләсә кайсы урыннан дәүләт хезмәте алу мөмкинлеге, шулай ук дәүләт хезмәте күрсәтүнең барышы һәм коррупция куркынычларын киметү турында мәгълүмат алу мөмкинлеге.
«Дәүләт хезмәтләре» порталында теркәлгән кулланучы 2 минуттан артык булмаган вакыт эчендә гариза бирә һәм РФ паспортын алу яки алмаштыру, исәпләнгән салымнар, пошлиналар һәм штрафлар суммалары турында белешмә алу, шулай ук аларны шунда ук түләү, пенсия тупланмаларын тикшерү һәм шәхси счетның торышы турында мәгълүмат алу кебек иң кирәкле хезмәтләрдән файдалана ала.
Федераль, региональ һәм муниципаль дәрәҗәдәге хезмәтләрдән файдалану өчен порталда теркәлергә кирәк https://www.gosuslugi.ru
Дәүләт хезмәтләре күрсәтү порталында ничек теркәлергә
Татарстан Республикасы Тарифлар буенча дәүләт комитеты тарафыннан бәяләрне (тарифларны) билгеләү буенча дәүләт хезмәтләре Татарстан Республикасы дәүләт һәм муниципаль хезмәтләр күрсәтү порталында күрсәтелергә мөмкин.
Исегезгә төшерәбез, 2024 елгы тариф кампаниясе алдыннан җайга салынулы оешмаларга тариф билгеләү турында гариза бирергә кирәк. Моны Татарстан Республикасы дәүләт һәм муниципаль хезмәтләр күрсәтү порталы ярдәмендә эшләргә мөмкин