ТР Тарифлар буенча дәүләт комитетында җайга салынулы оешмаларның баланс хисапларын тыңлау дәвам итә
Татарстан Республикасының Тарифлар буенча дәүләт комитеты 2022 елгы эш нәтиҗәләре буенча су белән тәэмин итү, ташландык суларны агызу, җылылык белән тәэмин итү, ККК белән эш итү өлкәләрендә хезмәт күрсәтүче җайга салынулы оешмаларның финанс-хуҗалык эшчәнлеге нәтиҗәләре буенча тагын бер баланс комиссиясе утырышы узды.
Утырыш кысаларында Балтач һәм Мөслим районнарының түбәндәге предприятиеләре эшчәнлеге нәтиҗәләре каралды: «Балтач ТКХ КҖП» АҖ, «Юрьинск ТКХ КҖП» ҖЧҖ, «Управление» ҖЧҖ, «Балтач МР хуҗалык-эксплуатация хезмәте» МБУ, «Благоустройство» ҖЧҖ, «Мөслим инженерлык челтәрләре» АҖ.
Компанияләр 2022 ел өчен үз эшчәнлекләре, шул исәптән хокук билгеләүче документлар, дебиторлык һәм кредиторлык бурычлары, шулай ук салымнар һәм җыемнар буенча бурычлары турында хәбәр иттеләр. Карау барышында күтәрелгән мәсьәләләрнең берсе – тарифларны билгеләү турында гариза бирү иде.
Баланс комиссиясе утырышлары графигы белән биредә танышырга мөмкин.