ТР Тарифлар буенча дәүләт комитеты тарифларны җайга салу өлкәсендә күрсәтелә торган дәүләт хезмәтләре турында сөйләвен дәвам итә

ТР Тарифлар буенча дәүләт комитетының тарифларны җайга салу өлкәсендәге хезмәтләре турында сөйләвебезне дәвам итәбез. Бүген «Территориаль бүленешле электр челтәрләренә технологик ялганган өчен түләү һәм (яки) мондый түләү (стандартлаштырылган тариф ставкалары) күләмен билгеләү өчен билгеләнгән бәяләрне (тарифларны) куллануга бәйле бәхәсләрне карау» хезмәте турында сөйләрбез.

Хезмәт күрсәтү тәртибе Дәүләт комитетының 09.11.2015 ел, № 332 боерыгы  белән расланган Административ регламентта (алга таба – Административ регламент) билгеләнгән. Дәүләт хезмәте күрсәтү тәртибе турындагы мәгълүматДәүләт комитетының рәсми сайтында (kt.tatarstan.ru) һәм Татарстан Республикасы дәүләт һәм муниципаль хезмәтләр күрсәтү порталында (uslugi.tatarstan.ru) Татарстан Республикасы дәүләт телләрендә  урнаштырылган.

Мөрәҗәгать итүчеләр булып түбәндәгеләр тора:

• Челтәр оешмасы;
• Технологик тоташуны гамәлгә ашыру турында килешү төзү өчен челтәр оешмасына мөрәҗәгать иткән зат;
• Технологик тоташтыруны гамәлгә ашыру турында челтәр оешмасы белән килешү төзегән зат.

Дәүләт хезмәтен күрсәтү һәм туктатып тору вакыты:

Дәүләт хезмәте күрсәтү вакыты: 30 эш көне.

Дәүләт комитеты тарафыннан өстәмә мәгълүмат алу яки бәхәсне карауга башка затларны җәлеп итү һәм (яки) экспертиза үткәрү кирәк булган очракта, дәүләт хезмәте күрсәтү (бәхәсне карау) чорын туктатып тору вакыты карар кабул ителгән көннән алып 60 көннән артмаска тиеш. Күрсәтелгән срокны кабат туктатып тору рөхсәт ителми.

Гаризада күрсәтелгән таләпләрне (тулысынча яки өлешчә) канәгатьләндерү яки аларны канәгатьләндерүдән баш тарту турында карар кабул итү гариза кабул ителгән көннән алып 90 көннән артмаска тиеш.

Дәүләт хезмәте күрсәтү өчен кирәкле документларның тулы исемлеге, аларны тапшыру тәртибе:

1. Гариза
2. Уздырылган вакытны кайтару турында үтенеч язуы (гариза билгеләнгән вакыттан соңрак тапшырылган очракта)
3. Мөрәҗәгать итүче үз таләпләрен нигезли торган (мөрәҗәгать итүче фикеренчә) шартларны раслаучы документлар (төп нөсхәләр яки күчермәләр)

Гариза һәм документлар ике нөсхәдә тапшырыла.

Хезмәт түләүсез нигездә күрсәтелә.

Хезмәт күрсәтү нәтиҗәсе: Гаризада күрсәтелгән таләпләрне (тулысынча яки өлешчә) канәгатьләндерү турында карар , яки аларны канәгатьләндерүдән баш тарту турында карар (гаризада күрсәтелгән таләпләрне (тулысынча яки өлешчә) канәгатьләндерү турында боерык яки таләпләрне канәгатьләндерүдән баш тарту турында боерык).

Дәүләт комитетының дәүләт хезмәте күрсәтү өчен җаваплы структур бүлекчәсе: технологик тоташтыру өчен түләүне җайга салу һәм контроль бүлеге.