ТР Тарифлар буенча дәүләт комитеты тарафыннан тарифларны җайга салу өлкәсендә күрсәтелә торган дәүләт хезмәтләре

ТР Тарифлар буенча дәүләт комитеты  тарифларны җайга салу өлкәсендә 13 дәүләт хезмәтен күрсәтә. Мондый хезмәтләрнең берсе – «Каты коммуналь калдыклар белән эш итү өлкәсендә чик тарифлар билгеләү», атап әйткәндә:

- каты коммуналь калдыклар белән эш итүче төбәк операторы күрсәтә торган хезмәткә бердәм тариф билгеләү;

- каты коммуналь калдыкларны эшкәртүгә тариф билгеләү;

- каты коммуналь калдыкларны зарарсызландыруга тариф билгеләү;

- каты коммуналь калдыкларны күмүгә тариф билгеләү;

- энергетик утильләштерүгә тариф билгеләү.

Хезмәт күрсәтү тәртибе Дәүләт комитетының 03.06.2021 № 396/2021 боерыгы (үзгәрешләре белән) белән расланган Административ регламентта (алга таба – Административ регламент) билгеләнгән. Дәүләт хезмәте күрсәтү тәртибе турындагы мәгълүматДәүләт комитетының рәсми сайтында (kt.tatarstan.ru) һәм Татарстан Республикасы дәүләт һәм муниципаль хезмәтләр күрсәтү порталында (uslugi.tatarstan.ru) Татарстан Республикасы дәүләт телләрендә  урнаштырылган.

Мөрәҗәгать итүчеләр булып түбәндәгеләр тора:

- Татарстан Республикасы территориясендә, оешу-хокук формасына һәм милек рәвешенә бәйсез рәвештә, каты коммуналь калдыклар белән эш итү өлкәсендә эшчәнлекнең җайга салынулы төрләрен гамәлгә ашыручы оешмалар яки шәхси эшкуарлар.

Хезмәт күрсәтү вакыты:

 - бәяләр (тарифлар) билгеләнә торган чираттагы хисап чоры башланачак чор алдыннан килгән елның 20 декабреннән соңга калмыйча;

- үзенә карата тарифлар элегрәк дәүләт тарафыннан җайга салынмаган оешма өчен агымдагы елга тарифлар тарифларны билгеләү турындагы тәкъдим агымдагы елның 1 ноябреннән соңга калмыйча тапшырылган очракта билгеләнә. Бу очракта оешма өчен тарифлар тарифларны билгеләү турында тәкъдим һәм кирәкле нигезләү материаллары Дәүләт комитетына тулы күләмдә алынган көннән башлап 30 көн эчендә билгеләнә. Дәүләт комитеты карары буенча әлеге срок 30 көнгә озайтылырга мөмкин.

Хезмәт күрсәтү өчен кирәкле документлар:

- тарифлар билгеләү турында гариза;

- кирәкле нигезләү материаллары (хокукны билгели торган документларның күчермәләре, кушымталар белән исәпкә алу сәясәте, бухгалтерлык һәм статистик хисаплылык, җитештерү программасын тормышка ашыруга финанс ихтыяҗларын исәпләп, әлеге ихтыяҗларны нигезләп һәм чыгымнарны шифрлап исәпләп, расланган җитештерү программасының күчермәсе, эшчәнлекнең җайга салынулы төрләрен гамәлгә ашыру чыгымнарын һәм башлангыч икътисадый нигезләү кушымтасы белән җайга салынулы эшчәнлектән кирәкле тулай керемнәрне исәпләү мәгълүматлары, тарифлар күләмен исәпләү, күрсәтелә торган хезмәтләр күләмен исәпләү, оешманың инвестицион программасы, хезмәт күрсәтүләрне гамәлгә ашыру турында шартнамәләрнең күчермәләре, акчаларны экономияләүне нигезләүче  һәм башка материаллар).

Административ регламентта нигезләү материалларының тулы исемлеге тәкъдим ителгән. Гариза һәм нигезләү материаллары тарифларны көйләү законнары белән билгеләнгән таләпләргә туры килергә һәм оешманың белдерелгән таләпләрен расларга тиеш.

Хезмәт түләүсез нигездә күрсәтелә.

Хезмәт күрсәтү нәтиҗәсе: Каты коммуналь калдыклар белән эш итү өлкәсендә җайга салынулы тарифларны билгеләү турында яки тарифларны билгеләү турындагы эшне ачудан баш тарту турында карар.

 Дәүләт комитетының дәүләт хезмәте күрсәтү өчен җаваплы булган структур бүлекчәсе: Сәнәгать булмаган өлкәдә тарифларны җайга салу һәм контрольдә тоту бүлеге.