Коррупциягә каршы сәясәт өлкәсендә хезмәткәрләр өчен укыту семинары узды
ТР Тарифлар буенча дәүләт комитетында коррупциягә каршы сәясәт өлкәсендә дәүләт хезмәткәрләрен хокукый агарту буенча укыту семинары узды. Лектор булып Галина Маштакова («Джи Эм Си Консалтинг» ҖЧҖ) – коррупцияне профилактикалау мәсьәләләрен тикшерү өлкәсендә кирәкле тәҗрибәгә һәм коррупциягә каршы сәясәтне гамәлгә ашыруда гамәли күнекмәләргә ия җәмәгатьчелек вәкиле чыгыш ясады.
Чара барышында түбәндәге мәсьәләләр каралды:
- коррупцияне профилактикалау эшен оештыру мәсьәләләре;
- коррупциягә каршы стандартларны, таләпләрне, бурычларны һәм тыюларны үтәү мәсьәләләре;
- дәүләт хезмәткәрләренең үз вазыйфаи бурычларын үтәгәндә барлыкка килергә мөмкин гамәли хәлләр.
Гражданнарның һәм оешмаларның хокукларын һәм законлы мәнфәгатьләрен коррупциягә бәйле янаулардан саклау өчен Дәүләт комитетында «ышаныч телефоны» эшли: +7 (843) 221-82-07 (дүшәмбе – пәнҗешәмбе: 08:00 сәгатьтән 17:00 сәгатькә кадәр, җомга – 08:00 сәгатьтән 15:45 сәгатькә кадәр).
ТР Тарифлар буенча дәүләт комитетының коррупциягә каршы сәясәтне гамәлгә ашыру өлкәсендәге эшчәнлеге белән рәсми сайтта танышырга мөмкин.