ТР Тарифлар буенча дәүләт комитеты Казан шәһәренең «Водоканал» МУП инвестицион программасы үтәлешен контрольдә тота
ТР Тарифлар буенча дәүләт комитеты җайга салынулы оешмаларның инвестицион программалары үтәлешен контрольдә тотуны дәвам итә.
Кичә рәиснең беренче урынбасары Лариса Хәбибуллина, инвестицион программалар бүлеге җитәкчесе Айгөл Йосыпова, шулай ук Татарстан Республикасы Төзелеш, архитектура һәм торак-коммуналь хуҗалыгы министрлыгы вәкилләре «Водоканал» МУП объектларында булдылар һәм Чистай урамы, Ямашев һәм Әмирхан проспектларында 3 нче Төньяк коллекторны реконструкцияләү буенча эш барышын карадылар. Участокта су белән тәэмин итүнең тузган челтәрләре яңа торбаүткәргечләргә санация ысулы белән, полимер җиңсә кулланып алмаштырылачак. Үзлектән агучы коллекторны реконструкцияләү Казан шәһәренең Яңа Савин районын, Совет районын (Дәрвишләр бистәсе) өзлексез су белән тәэмин итәргә мөмкинлек бирәчәк.
«Водоканал» МУП Казан шәһәрендә су белән тәэмин итү һәм ташландык суларны агызу хезмәтләрен күрсәтүдә гарантияләүче оешма булып тора. «Водоканал» МУП 2022-2028 елларга инвестиция программасы су белән тәэмин итү һәм ташландык суларны агызу өлкәсендә 49 чараны һәм ташландык су агызу өлкәсендә 16 чараны тормышка ашыруны күздә тота.
Проект чараларының төп максаты – 39 км озынлыктагы суүткәргеч участокларын уртача диаметры 400 мм озынлыктагы торбалар белән, 8 км озынлыктагы канализация коллекторларын уртача диаметры 1 000 мм торбалар белән һәм Крутушка торак пунктының канализация чистарту корылмаларын реконструкцияләү. Бу халыкны аварияле хәлләрдә барлыкка килергә мөмкин зыяннан мөмкин кадәр саклап калырга һәм су белән тәэмин итү һәм ташландык суларны агызу системалары объектларының үткәрүчәнлеген арттырырга мөмкинлек бирәчәк.