Татарстан Республикасы Хөкүмәте һәм Монополиягә каршы федераль хезмәт арасында цифрлы трансформация өлкәсендә килешү төзелде

2023 елның 30 гыйнварында Татарстан Республикасы Хөкүмәте һәм Монополиягә каршы федераль хезмәт арасында тарифларны җайга салу һәм дәүләт һәм муниципаль ихтыяҗлар өчен сатып алуларны гамәлгә ашырганда конкуренцияне тәэмин итү өлкәсендә дәүләт идарәсен цифрлы трансформацияләү өлкәсендә хезмәттәшлек буенча ниятләр турында килешү төзелде.

Килешү кысаларында тарифларны җайга салу һәм дәүләт һәм муниципаль ихтыяҗлар өчен сатып алуларны гамәлгә ашырганда конкуренцияне тәэмин итү өлкәсендә хезмәттәшлек һәм үзара ярдәм дәүләт идарәсенең берничә юнәлеше буенча гамәлгә ашырылачак:

- цифрлы үсеш, мәгълүматлаштыру, цифрлаштыру һәм цифрлы трансформация процесслары белән идарә итү;

- нәтиҗәле цифрлы стратегияләр булдыру;

- цифрлы икътисад нигезләрен, цифрлы трансформациянең тармак программаларын һәм платформа чишелешләрен, мәгълүмат системаларын һәм мәгълүмат базаларын эшләүгә һәм эксплуатацияләүгә төп алымнарны куллану;

- цифрлы трансформация проектларын гамәлгә ашыру, шул исәптән программаны сынап карау рәвешендә эксплуатацияләү юлы белән;

- мәгълүмати куркынычсызлыкны һәм башкаларны тәэмин итү.