Каты коммуналь калдыклар белән эш итү өлкәсендә мәгълүмат ачу стандартлары турында
Россия Федерациясе Хөкүмәтенең 26.01.2023 ел, № 109 карары белән Каты коммуналь калдыклар белән эш итү өчен мәгълүмат ачу стандартлары (Россия Федерациясе Хөкүмәтенең 21.06.2016 ел, № 564 карары урынына кабул ителгән) расланды.
Документ нигезендә ачылырга тиешле мәгълүматның составы, аны тапшыру тәртибе, сроклары һәм тапшыру ешлыгы билгеләнгән.
Мәгълүматны түбәндәгеләр ачарга тиеш:
- каты коммуналь калдыклар белән эш итүче төбәк операторлары;
- каты коммуналь калдыкларны транспортлау, эшкәртү, энергетик утильләштерү, зарарсызландыру, күмү буенча эшчәнлек алып баручы ККК операторлары;
- тарифларны җайга салу органнары;
- Россия Федерациясе субъектлары законнары нигезендә ККК белән эш итү өлкәсендә тарифларны билгеләү вәкаләтләре тапшырылган җирле үзидарә органнары.
Каты коммуналь калдыкларны ташу эшчәнлеген башкаручы каты коммуналь калдыклар белән эш итүче операторлар карар үз көченә кергән көннән алып 60 көн эчендә стандартларда каралган мәгълүматны ачалар.
Оешмалар ачарга тиешле мәгълүмат:
а) оешма турында (гомуми мәгълүмат);
б) ККК белән эш итү өлкәсендә чик тарифлар турында;
в) оешманың финанс-хуҗалык эшчәнлегенең төп күрсәткечләре турында (җайга салынулы эшчәнлек төрләре өлешендә, шулай ук ККК транспортлау эшчәнлегенә карата);
г) инвестиция программалары һәм аларны гамәлгә ашыру турында хисаплар (эшчәнлекнең җайга салынулы төрләре өлешендә);
д) ККК белән эш итү өлкәсендә хезмәт күрсәтелә торган шартлар турында;
е) эшчәнлекнең җайга салынулы төрләрен гамәлгә ашыру өчен кирәкле товарларны, эшләрне һәм хезмәтләрне сатып алу ысуллары, бәяләре һәм күләмнәре турында;
ж) оешманың ККК өчен чик тарифларны билгеләү турындагы тәкъдиме турында (әгәр оешма җайга салына торган булса).
Әгәр дә оешма берничә эшчәнлек алып бара икән, алар турында мәгълүмат стандартлар буенча ачылырга тиеш, һәрбер эшчәнлек төре буенча мәгълүмат аерым ачыла.
Россия Монополиягә каршы федераль хезмәте тарафыннан 2023 елның 1 сентябренә кадәр яңа стандартлар нигезендә БМАС ФДМС ачылырга тиешле мәгълүмат урнаштыру формалары китереләчәк.
Карар 2023 елның 1 сентябреннән үз көченә керә һәм 2029 елның 1 сентябренә кадәр гамәлдә булачак.