Ленар Шакирҗанов Буа районында каты коммуналь калдыклар белән эш итү өлкәсендәге эшчәнлек турында сөйләде

Район башкарма комитеты җитәкчесе Ленар Шакирҗанов Буа районында ТКХ өлкәсендәге эшчәнлекне оештыру турында сөйләде:

«Буа районы составына 1 шәһәр (Буа) һәм 96 авыл керә. Халыкның гомуми саны – 39,9 мең кеше.

Буа районында ККК белән эш итү өлкәсендә төбәк операторы булып «ПЖКХ» ИК» ҖЧҖ тора (ККК транспортлау операторы: генподрядчы – «Чиста шәһәр» ҖЧҖ, «СЭС-Регион» ҖЧҖ субподрядчы). ККК күмү «Буа ТКХ КҖП» (Инженерлык челтәрләре) АҖ полигонында башкарыла, территориянең мәйданы – 5,7 га, 85% тулган. 2022 елда күмелгән калдыклар күләме 80,2 мең куб.м тәшкил итте».

Районда каты көнкүреш коммуналь калдыкларны чыгару хезмәте түбәндәгеләрне колачлаган:

- халыкның 100%;

-  бюджет оешмаларының 88,4%;

- коммерция оешмаларының 27%.

 Буа шәһәре буенча ККК чыгару көн саен, авыл торак пунктлары буенча – график буенча айга кимендә 3 тапкыр башкарыла. Шул ук вакытта чыгару графигын үтәмәү очраклары да билгеләнгән.

Буа шәһәрендә реестр нигезендә 163 ККК туплау урыны бар, шуларның 153е – җиһазландырылган контейнер мәйданчыклары (128 контейнер). Өстәмә 5 контейнер мәйданы һәм 80 контейнер кирәк. Авыл торак пунктларында капчык белән җыю гына оештырылган.

2022 елда ККК белән эш итү хезмәте өчен түләүләр 89,9% тәшкил итә.