Дмитрий Петров «ПЖКХ» ИК» ҖЧҖ төбәк операторының ККК белән эш итү өлкәсендәге эшчәнлеге турында сөйләде

Дәүләт комитетының йомгаклау коллегиясендә «Торак-коммуналь хуҗалык предприятиесе» ИК» ҖЧҖнең каты коммуналь калдыклар белән эш итү өлкәсендәге төбәк операторы эшчәнлеге турында генераль директор Дмитрий Петров сөйләде. 

«ПЖКХ» ИК» ҖЧҖнең каты коммуналь калдыклар белән эш итү буенча төбәк операторы үз эшчәнлеген 2019 елның 1 гыйнварыннан Казан шәһәрендә һәм 21 нче районда Татарстан Республикасының Көнбатыш зонасында алып бара.

12 ай нәтиҗәләре буенча төзелгән килешүләр өлеше:

халык буенча – 98,5%;

юридик затлар буенча ‒ 95% (территориаль схема күрсәткечләре буенча).

12 ай йомгаклары буенча төзелгән килешүләр буенча җыелган түләүләр:

халык буенча – 96%;                            

юридик затлар буенча – 93%

Хәзерге вакытта Татарстанның көнбатыш зонасы территориясендә каты коммуналь калдыклар белән эш итү хезмәте 100% дәрәҗәсендә колачланган.

Контейнер-бункер паркында ККК өчен 45 меңләп савыт бар. 2023 елда тагын 3 000 савыт сатып алу планлаштырыла.  

Казан шәһәрендә елына 200 мең тонна куәте булган 1нче чүп төяү станциясе эшли. 2022 елда станциягә 111 мең тонна каты коммуналь калдык китерелгән. 35 мең тоннадан артык таратылган калдык һәм 21 мең тонна икенчел матди ресурслар чыгарылган. Казанда тукымаларны аерым җыю өчен 750 контейнер мәйданчыгы җиһазландырылган, шулардан 2022 елда 43 мең кубометр икенчел чимал чыгарылган, бу калдыкларның 34% тәшкил итә.

«ПЖКХ» идарәче компаниясе Татарстанның көнбатыш зонасы башкарма комитетлары белән берлектә контейнер мәйданчыклары реестрын төзү буенча эш алып бара.

Реестр түбәндәге бурычларны хәл итәчәк:

- калдыклар барлыкка килүнең фактик күләмен билгеләү;

- контейнер мәйданчыкларында калдыклар туплаучы, калдык барлыкка китерүче барлык затларны билгеләү;

- контейнер мәйданчыкларында килешүләр төземәгән һәм калдыкларны законсыз туплаган барлык затлар белән контракт төзү.

Реестр төзү эше 2023 елның җәендә тәмамланачак.