«Җайга салучы Җайга салынулы оешмалар турында: «Коммунсервис-Актаныш» ҖБ ҖЧҖ

Укучыларны җайга салынулы предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез.

«Коммунсервис-Актаныш» җитештерү берләшмәсе җаваплылыгы чикләнгән җәмгыяте 2008 елның 7 мартындагы бердәнбер карар нигезендә төзелә.

    «Коммунсервис-Актаныш» ҖБ ҖЧҖ коммерциячел оешма булып тора, ул үз эшчәнлегенең төп максаты итеп табыш алуны күздә тота. Төп эшчәнлек төрләре:
- пар һәм кайнар су (җылылык энергиясе) җитештерү, тапшыру һәм тарату;
- күчемсез милекне сату, сатып алу һәм сату өчен әзерләү;
- су җыю, чистарту һәм тарату;
- канализация, калдыклар һәм охшаш эшчәнлек;
- территорияне чистарту һәм шуңа охшаш эшчәнлек;
- суүткәргеч-канализация хуҗалыгы объектларын, җылылык челтәрләрен, торак фондын һәм башкаларны карап тоту, эксплуатацияләү, ремонтлау һәм техник хезмәт күрсәтү һ.б.

Җылылык белән тәэмин итү өлкәсендә хезмәт күрсәтү процессында сәгатенә 22,82 Гкал куәте белән билгеләнгән 1 котельня файдаланыла, челтәр озынлыгы 13,21 км тәшкил итә.

Су белән тәэмин итү чыганагы – җир асты сулары. Предприятиегә 113,8 км озынлыктагы үзәкләштерелгән су белән тәэмин итү челтәрләре хезмәт күрсәтә. Суны тирәнтен насослар күтәрә, алга таба су үзәкләштерелгән су челтәренә үткәргеч буенча бирелә.

Предприятие 18,90 км озынлыктагы үзәкләштерелгән ташландык суларны агызу челтәрләрен (шул исәптән 1,5 км алмаштыруга мохтаҗларны да кертеп), 2 канализация-насос станцияләрен, биологик чистарту корылмаларын файдалана.