Дәүләт комитеты рәисенең беренче урынбасары Лариса Хәбибуллина «100% Татарстан» онлайн-форумында катнашты
2022 елның 6 октябреннән 7 октябренә кадәр «100% Татарстан» цифрлы мәйданчыгында (100tatarstan.com) ел саен үткәрелә торган онлайн форум узачак. Быел аның темасы «Территорияләрне төзү һәм үстерү» булачак. Чара халык өчен төп темаларның берсе — төбәкне һәм гомумән төзелеш тармагын төзекләндерүгә багышланачак.
«Торак-коммуналь хуҗалык» форумы блогы кысаларында туры эфирда Татарстан Республикасы Тарифлар буенча дәүләт комитеты рәисенең беренче урынбасары Лариса Хәбибуллина чыгыш ясады. Ул торак-коммуналь хезмәтләр өчен тарифларны исәпләү тәртибе турында сөйләде, республикабызда су белән тәэмин итү һәм ташландык суларны агызу хезмәтләре өчен бәя кую схемасын җентекләп аңлатты.
Форум – тармак платформасы, анда хөкүмәт һәм экспертлар халык белән турыдан-туры аралаша.
Эфирлар вакытында һәр тыңлаучы үзләрен кызыксындырган сорауларны бирү мөмкинлеген ала, ә белгечләр аларга реаль вакытта җавап бирә. Трансляция 3 телдә – рус, татар һәм инглиз телләрендә алып барыла.
Фото: 100tatarstan.com