Инвестиция программаларын карау буенча экспертлар советы утырышы узды

2022 елның 1 сентябре, пәнҗешәмбе

Татарстан Республикасы Тарифлар буенча дәүләт комитеты мәйданчыгында Татарстан Республикасы Министрлар Кабинеты каршындагы Инвестиция программаларын карау буенча экспертлар советы утырышы булды. Совет 2021 елда «ТГК-16» АҖ, «Түбән Кама ҖЭҮ» ҖЧҖнең инвестиция программаларын тормышка ашыру нәтиҗәләре һәм «2023 елга Зеленодольск җылылык челтәрләре предприятиесе» АҖ инвестиция программасы проекты турында фикер алышты.

Утырыш нәтиҗәләре буенча түбәндәге карарлар кабул ителде. 

• «2023 елга Зеленодольск җылылык челтәрләре предприятиесе» АҖ инвестиция программасы 40,9 млн.сумнан артык (өстәмә хак салымыннан башка) суммага раслау өчен тәкъдим ителде. Программада өч җылылык челтәре участогын реконструкцияләү һәм җылылык камераларына бикле арматура урнаштыру каралган.
• «ТГК-16» АҖ инвестиция программасын үтәү нәтиҗәләре кабул ителде. Оешма 289 млн. сумнан артык суммага (өстәмә хак салымыннан башка) 22 чара үтәгән. «ТГК-16» АҖ милек комплексына Казан ҖЭҮ-3 һәм Түбән Кама ҖЭҮ (ПТК-1) керә, аларның төп максаты – Татарстан Республикасы нефть-газ химиясе комплексының эре сәнәгать үзәкләрен энергия белән тәэмин итү. «ТГК-16» АҖ генерацияләү объектларының урнаштырылган электр егәрлеге 1669,6 МВт тәшкил итә, билгеләнгән җылылык егәрлеге шактый зур һәм 6136 Гкал/сәг тәшкил итә.
• «Түбән Кама ҖЭҮ» ҖЧҖ инвестиция программасын күләме һәм сроклары өлешендә үтәмәгән өчен, шулай ук планнан тыш чаралар программасына керткән өчен, 20 млн.сумнан артык акчаны (өстәмә хак салымыннан башка) төшереп калдыру турында карар кабул ителде.