ТР Тарифлар буенча дәүләт комитеты коллегиясе тариф кампаниясенең актуаль мәсьәләләре турында фикер алышты
2021 елның 26 октябрендә А.С.Груничев рәислегендә Татарстан Республикасы Тарифлар буенча дәүләт комитетының квартал коллегиясе булып узды.
Коллегия утырышы кысаларында рәиснең беренче урынбасары А.Л.Штром тарафыннан дәүләт комитетының алдагы коллегияләре беркетмәләренең үтәлеше буенча хисап тәкъдим ителде.
Төп темаларның берсе – тарифларны җайга салу процессларын цифрлаштыру, аны дәүләт идарәсен цифрлы нигездә үстерү, мәгълүмат технологияләре һәм элемтә министрының беренче урынбасары И.С.Начвин һәм Татарстан Республикасы Тарифлар буенча дәүләт комитеты рәисе урынбасары С.В. Павлов ачты.
Шулай ук коллегиядә Татарстан Республикасы шәһәр округларының җылылык белән тәэмин итү, су белән тәэмин итү һәм ташландык суларны агызу схемаларын актуальләштерү турында да фикер алыштылар. Докладның әлеге темасы белән Казан шәһәре Башкарма комитетының торак-коммуналь хуҗалык комитеты рәисе урынбасары вазыйфаларын башкаручы С.В.Сотов һәм Чаллы шәһәре Башкарма комитеты җитәкчесенең беренче урынбасары И.С.Зуев чыгыш ясады.
Утырыш барышында Татарстан Республикасының Лаеш, Кайбыч, Мамадыш муниципаль районнары вәкилләре тарафыннан концессия килешүләре һәм аренда килешүләре нигезендә ресурс белән тәэмин итүче оешмаларга коммуналь инфраструктура объектларын файдалануга тапшыру шартнамәләрен төзү буенча агымдагы хәл темасы кузгатылды.
Чара ахырында Тарифлар буенча дәүләт комитеты рәисе А.С.Груничев Татарстан Республикасында 2023-2025 елларга тарифларны җайга салу өлкәсен үстерү стратегиясенең мөһимлеген билгеләде.