Казан шәһәрендә гомуми файдаланудагы транспортта даими рәвештә пассажирлар һәм багаж ташуга яңа тарифлар 3 февральдән үз көченә керә

Татарстан Республикасы Тарифлар буенча дәүләт комитеты хәбәр итә:  "Казан шәһәре муниципаль берәмлегендә даими ташуларның муниципаль маршрутлары буенча пассажирларны һәм багажны гомуми файдаланудагы транспорт белән даими ташуларга чик дәрәҗә максималь тарифлар билгеләү турында" 2018 елның 29 декабрендәге 7-12/т номерлы карар Татарстан Республикасы Юстиция министрлыгында теркәлде (теркәлү номеры – 5403, 23.01.2019) һәм 2019 елның 23 гыйнварында Татарстан Республикасы хокукый мәгълүматының рәсми порталында басылып чыкты.

Казан шәһәрендә гомуми файдаланудагы транспортта пассажирлар һәм багаж ташу тарифлары түбәндәгечә:

акчалата түләгән очракта, 1 барган өчен тариф - 27 сум;

юл бәясен озак файдаланыла торган билет (электрон транспорт картасы) белән түләгәндә, 1 бару 25 сумга төшәчәк;

100 тапкыр бару өчен озак файдаланыла торган билет сатып алган очракта, 1 бару 18 сум белән чикләнәчәк.

Законнар нигезендә тарифлар аларны рәсми бастырып чыгарган көннән соң 10 көн узгач, ягъни 3 февральдән гамәлгә керә.