Виталий Королев: МФХ территориаль челтәр оешмалары өчен критерияләрне катгыйландырырга кирәк, дип саный
Ведомство фикеренчә, чыгымнарны булдырмау һәм аларны кулланучыларга йөкләү өчен, компанияләрнең затлары төркеменнән чыгару очракларын бетерергә кирәк
"Территориаль челтәр оешмаларының (ТЧО) критерияләре яңадан каралырга тиеш. Без, чыннан да үзенең турыдан-туры эшчәнлеген гамәлгә ашыручы челтәр оешмалары гына калсын өчен, аларны катгыйландырырга кирәк, дип исәплибез", - диде Россия МФХ җитәкчесе урынбасары Виталий Королев Татарстан Республикасы Тарифлар буенча дәүләт комитетының коллегия утырышында.
"ТЧО критерияләренә җавап бирә торган барлык челтәр оешмалары бердәм принциплар һәм методлар буенча тарифланырга тиеш. Республиканың Тарифлар буенча дәүләт комитетына хәзерге вакытта төбәктә электр челтәрләре комплексының чагыштырма сарыфларының шартлы җайланма берәмлегенә челтәрләрне эталоницияләү кысаларында без планлаштырганнан югарырак булуына игътибар итәргә кирәк", - дип хәбәр итте МФХ башлыгы урынбасары.
Виталий Королев билгеләп үткәнчә, эталоннар механизмы актив үсеш ала. Ул энергия сату эшчәнлегенә кертелгән инде, хәзерге вакытта электр челтәрләре комплексын эталон принцибына күчерү турында РФ Хөкүмәте карары проекты турында гавәми фикер алышулар бара. Документ https://regulation.gov.ru/ сайтында урнаштырылган. Процесстагы барлык мәнфәгатьле катнашучылар үзләренең тәкъдимнәрен җибәрә ала, алар һичшиксез каралачак.
"Татарстандагы гарантияле тәэминатчы өчен энергия сатуга өстәлмә бәяләргә килгәндә, ул ил буенча уртача чагыштырганда түбәнрәк, бу исә әлеге өлкәдә Тарифлар буенча дәүләт комитетының эше корректлы булуын күрсәтә", - дип билгеләде Россия МФХ башлыгы урынбасары.
Игътибар итәргә кирәкле тагын бер метод, - ул җылылык энергиясе бәясен формалаштыру буенча котел методына альтернатив метод. Виталий Королев күрсәткәнчә, Себер территориясендә функцияли торган ике мисал бар инде.
"Бәлки, әгәр мондый зарурлык булса, Татарстан хакимияте органнарына әлеге методны карарга һәм аны төбәктә кертү буенча проект эшләргә кирәк булыр. Мондый механизм үзендә җылы белән тәэмин итүче оешмаларның һәм кулланучыларның мәнфәгатьләре балансын туплый", - дип тәгаенләде монополиягә каршы ведомство башлыгы урынбасары.
Виталий Королев Татарстанның Тарифлар буенча дәүләт комитеты эшчәнлеген уңай бәяләде, "ул бик актив, норматив хокукый актларны эшләү кысаларында инициативалы һәм эчтәлекле тәкъдимнәр җиткерелә" диде.
"Узган елда Россия МФХ Республиканың тариф органы кабул иткән бер генә карарны да гамәлдән чыгармады, шул фактка игътибар итәргә кирәк. Бу бик яхшы эш күрсәткече, чөнки монополиягә каршы хезмәт төбәкләрдә билгеләнә торган тарифларның законлы булуын катгый тикшереп тора", - дип ассызыклады ведомство башлыгы урынбасары.
Чыгышының йомгаклау өлешендә Виталий Королев мәнфәгатьле барлык якларның вәкилләрен "цифрлы үзгәртеп кору шартларында тарифларны җайга салу" гамәли семинарында катнашырга чакырды, ул 5-6 март көннәрендә Сочида узачак.