Торак һәм коммуналь хуҗалыгы җитәкчеләре һәм белгечләренең III Бөтенроссия җәйге съезды

2019 елның 29-31 май көннәрендә Ялта шәһәрендә торак һәм коммуналь хуҗалыгы җитәкчеләре һәм белгечләренең III Бөтенроссия җәйге съезды узачак.

Чара "Управление ЖКХ" мәгълүмат порталы белән берлектә РФ Сәүдә-сәнәгать палатасының торак һәм коммуналь хуҗалык өлкәсендә эшкуарлык комитеты тарафыннан оештырыла.

Эшлекле программа кысаларында фикер алышуга түбәндәге мәсьәләләр тәкъдим ителә:

• Идарәче оешмалар һәм ресурс белән тәэмин итүче оешмалар арасында шартнамә мөнәсәбәтләре;
• гомуми мөлкәтне карап тотуга түләү нормативларын билгеләү тәртибе;
• ТКХ дәүләт мәгълүмат системасы;
• түләмәүчеләр белән эшләү;
• тикшерү органнары белән үзара хезмәттәшлек;
• идарәче һәм ресурс белән тәэмин итүче оешмаларның үзара хезмәттәшлеге проблемалары;
• каты коммуналь калдыклар белән эш итүнең яңа схемасы.

Чарада Россия Федерациясе Дәүләт Думасы, Россия Федерациясе Төзелеш һәм торак-коммуналь хуҗалыгы министрлыгы, Россия Федерациясе Икътисадый үсеш министрлыгы, Россия Федерациясе Иҗтимагый палатасы, Россиянең Монополиягә каршы федераль хезмәте вәкилләре һәм башка һөнәри җәмәгатьчелек вәкилләре катнашачак.

Семинар турында тулырак мәгълүматны һәм чараның программасын түбәндәге сылтама буенча алырга мөмкин:  "Управление ЖКХ" мәгълүмат порталы.